Shillong, Nailar 27: U presidern jong ka NCP ka Meghalaya State Unit u Bah Sanbor Shulai u ba dei ruh u deputy speaker jong ka jylla Meghalaya u la ong ba ka Centr
al Executive Committee (CEC) jong ka NCP ka la dep shong bad ka la shim ia ka rai ban ia khun ia ka MDC Election.
Haba kren ha u SP News Agency u bah Sanbor Shullai u la ong ba ia kane ka rai kin sa leit ban ia kynduh ia ki nongialam jong ka seng ha Delhi bad ki la dep ban pan porn a ki nongialam ba ha khlieh duh jong ka seng ban ia kren ia kane ka kam. Ki dang ap mynta sa tang ia ka jingkhot ka jong ki.
U Bah Sanbor u la pynthikna ba kin pyniakhun ia ka MDC election hynrei ha kano ka rukom ba kin leh kata kan long ha dien ba ki la wan ia kynduh ia ki nongialam ba ha khleih jong ka seng namar ia mynta kim pat lah ban iathuh paidbah ia kaei kaba ki thmu ban leh.
La ong ba kane ka jingleit ia kynduh ia ki nongialam jong ka seng kam dei ba kin ia kren tang ia ka MDC hynrei kin leit ban ia kren halor ka MP election ruh. Haba jubab ia ki jingkylli u la ong ba ia mynta ym pat lah ban ong kumno kin leh ia ka MP namar ka jylla Meghalaya ka don tang 2 tylli ki seat.
Haba phai sha ka MLA election kaba la dep wat hapdeng ka por kaba lyngkot ka seng ka la lah ban pynieng 21 ngut ki kyrtong bad na kine 2 ngut ki la jop bad 19 ngut kim shym la lah ban poi sha ka thong hynrei ki trei na ka bynta ka party bad ka don ka jingkyrmen ba kin sa jop ha ka MDC.(SP News)
