Shillong, Naiwieng,05:Ka kong Roshan Warjri ka myntri ki kam poh iing jong ka Jylla Meghalaya ka pynrem jur halor ka jingsait iap jong ki suba lehnoh GNLA ha kiba la shim ia ka jingim jong ki san ngut ki pulit mynta ka sngi da kaba siat ia ki.
Ka kong Roshan Warjri haba kren ha SP News Agency ,ka la iathuh ba kala phah ia u heh duh jong ki pulit u Director General of Police P J Hamaman ba u dei ban leit ban khmieh bad jngoh hi da lade ban peit ia ka jinglong jingman ha katei ka thain.
Ha ka juh ka por na ka liang jong ka myntri ka phah ia ka khubor sngew lem sha baroh kiba ha iing jong kito kiba mad ia kane ka jingjia ba sngewsih.Bad kala ong ruh ba ka sorkar kan sa iarap ia kine ki long iing kiba mad ia kane ka jingjia.(SP News)
