Shillong, Nailar 28: Ki pulit jong ka jylla Meghalaya na ka shnat special cell mynt aka sngi ki la kem ia u Joint Director, Mechanical jong ka tnad rep jong ka sorkar Meghalaya ka la por ba u dang shim pisa na ka M/s Horizon Marketing Tura.
Katkum ka jingiathuh jong ki pulit la ong ba u tei u ophisar u dawa T.5000/- tyngka na kawei ka power tiller ia kaba la shallan da ka M/s Horizon Marketing Tura sha ka sorkar. La iakhut ba katei ka company kan siew shilak mynta ka sngi bad ar lak ha ka sngi nyngkong ban wan.
Na ka liang jong ka special cell ka la ap ktem bad ha ka por ba ki dang ia ai pisa la ioh ban kem ia u tei u ophisar jong ka sorkar jylla. Na ka liang jing ki pulit ki la pyngnat ia u ha ka ain bamsap ia kaba la tip kum ka “Prevention corruption act 1988” .(SP News)
