Shillong, Kyllalyngkot 18: U Deputy Commissioner, South West Khasi Hills District, Mawkyrwat u Bah A.Mawlong IAS ha ryngkat ka jingiadon lang u Superintendent of Police D.Sangma MPS myn hynnin ka sngi ki la lum ia ka jingialang bad ki heh ophisar bapher bapher jong ka Mawkyrwat ryngkat u public prosecutors ban thung noh ia ka Committee ban iada kyrpang iaki kynthei bad la tip kyrteng kum ka “District Level Committee on Protection of Women” kumjuh la thung ruh ia ka Committee ban pynsted ia ka rukom treikam ha kaba iadei bad ki lad jingiada na ki jingshah thombor ia ki kynthei khynnah bad kiwei kiwei ki jingjia pyrshah ia ki kynthei.
Haba kren ha katei ka sngi naka liang jong u Deputy Commissioner ula ban jur ba ki ohisar kynthei khamtam kiba don hapoh South West Khasi Hills kidei ban ia donbynta lang ha kaba iadei ban iada iaki kynthei naka jing shah thombor, ula ong ruh ba katei ka committee kan sa leit ban pynlong ruh iaki jing ialang sha ki shnong bapher ban pyn sngewthuh ha kaba iadei bad ka jing thmu jong katei ka committee.
Ia ka Committee ban pynsted ha kaba iadei ban shim case pyrshah iaka jing shah thombor ki kynthei u Deputy Commissioner un long u khlieh jong katei ka committee bad u Additional Deputy Commissioner un long u Member secretary ha kaba ki ophisar jong ki tnad treikam bapher bapher ryngkat bad u public prosecutor kin long ki dkhot ha katei ka Committee katba iaka Committee ban peit kyrpang na ka bynta ka jing shah thombor iaki kynthei la jied ia u Extra Assistance Commissioner ba un u khlieh jong katei ka committee katba ia ka Ophisar na Social Welfare la jied ban long ka member secretary.
Ha katei ka jing ialang la shim ruh iaka rai ban buh noh iaka District Legal Service Authority ban pynsted noh iaka jing shim kino kino ki case ha kaba iadei bad ka jing shah thombor ia ki kynthei kumjuh ban ioh ruh iaka jing lut jingsep na ka bynta kano kano ka kynthei kaba mad ha katei ka apot
