Shillong, Lber 08: Da ka jingshah kyntait ka nomination paper jong u Bah Ardent Basaiawmoit jong ka seng HSPDP ka la pynlong ia u kyrtong jong ka Congress u AT Mandal ba unlong u speaker ba thymmai jong ka jylla Meghalaya khlem da don ba ialeh py
rshah.
Haba kren ha u SP News Agency u Bah Rowell Lyngdoh Pro-term speaker u la ong ha dien ba la bishar bniah ia ki ar tylli ki nomination la lap ba ka jong u Bah Ardent kam biang bad halor jong kane la hap ban kyntait ia ka.
Haba kren ha ki nongthoh khubor na ka liang jong u AT Mandal u la ong ba kum u speaker jong ka iing dorbar ka kamram jong u ka long ban ieng pdeng khlem da iai shah liang ha kaba pyndep ia ka kam hapoh ka iing dorbar.
Haba jubab ia ki jingkylli u la ong ba kumu briew jong ka seng Congress haba ka jingtyrwa ka wan n aka seng ba un shimti ia kane ka kam ym shym la kyrngah bad u la pdiang ia bad u la ong ba kane kam dei kaba thymmai ia u namar ha ki snem kiba la leit u la ioh ia ka lad ban pyniaid i aka jingiashong dorbar kum u Chairman.
Na ka liang jong u bah Ardent basaiawmoit haba kren ha ki nongthoh khubor ha dien ba u la dep ban thep ia ka nomination paper u la ong ba kane ka jingthep ia ka nomination paper ka long ba phah ia ka khubor sha ka seng Congress b aka dei ban kynmaw ba kane ka dei ka jylla jong ki riewlum bad ka kam speaker ka dei ban long da u riewlum.
U la ong ba u tip shai kdar bay n nym jop ia kane ka election namar b aka Congress ka don ia ka jingbun paid hynrei ka jingiakhun ia ka election speaker ka long ba pynia ba ha ka synshar paidbah ba don kam ia ka jingiakhun i aka election.(SP News)
