Shillong, Iaiong 26: Ka Martin Luther Christian University ka la thung ia u Bah Robert G Lyngdoh kum u Vice Chancellor ba thymmai jong ka tei ka skul bah bad yn shimti ia kane ka kam naduh ka 1 tarik jong u Naitung mynta u snem.
U Bah Lyngdoh u dei u wei na ki myntri kam poh iing barim jong ka jylla Meghalaya bad u la long ruh u wei na ki khraw pyrkhat ha kaba ia dei bad ka jingrai ka par ha ki nongkyndong ha kaba ia dei bad kajylla Meghalaya, ha dien ba katei ka skul bah kala bishar bniah ia ka jingtrei kam ka jong u ka la ibit ba yn thung ia u kum u khlieh jong kane ka shnat pule ha kane ka jylla Meghalaya.
Ia kane la pynbna da u Dr KM Shyamprasad, Chancellor jong kane ka skul bah ha ka jingialang kaba la long ha ka 25 tarik mynta u bnai. U Bah Lyngdoh u la ia don bynta ha kiba bun ki kam ha kane ka skul bah naduh ba la seng ia ka.(SP News)
