Shillong, iaiong 21: U Bah Robert Kharsati bad u Dany Dkhar kiba la shah pharep ba ki dei ki nongkhaii drugs ha u wei u briew u ba ki suba ba u dei u nongkhaii drugs bad pynngat kylla ia ki ha ka kti jong ki pulit.
U Bah Dany haba iakren bad ki nongthoh khubor mynta ka sngi u la ong bas “Hooid ngim lah ban len ia ka jingshisha ngi dei tang ki nongdih bad ngi thied na u tei u briew ia u droks hynrei ngim dei kita kiba die lane khaii kumba la ong da u tei u briew”.
U la iathuh ruh ba ha ka wei ka sngi baroh ar ngut kila pan pisa na u hynrei une u nong die droks u la ong ia ki ba kin ia leit shim na laitumkhrah bad ki leit da ka kali jong u hi ynda la poi ha ka tei ka jaka u tei u briew u la wanrah pynban da ki pulit bad phah kem ia ki u da ong ruh ba kine ki dei ki nong die bad nong khaii ia ki droks.
Hadien kata la rah ia ki sha poh thanat ban set ia ki haba la shah set ia ki hapoh thanat ki la iathuh ba ki pulit ki la bom la sympat ia ki haduh ban da jem jai wat tang ban ieng bad iaid ban khie na ka jaka ban bam ia ka ja ruh kim lah shuh, ki la pynsngew haduh ba ki poh jat jong u Dany ki la jngem bad ka dur ka dar ruh la mong lut bad kumjuh u Robert ka krung jong u ka la mong jur bad u hap bad pyndon kam da ka wheel chair.
Kine ki bala la shah pharep nongkhaii drugrs kila ong ba ha ka jingshisha kila dei ban shah set tang lai bnai hynrei kila shah set haduh 9 bnai , la iathuh ruh u Bah Danny ba la phah soi jubor ia ki ia ki kot ki sla kaba kim tip aiu la thoh ha kato ka por ba ki don ha ka kti jong ki pulit.
Kine ki arngut ki la lait napoh phatok ha u bnai Risaw jong u snem ba la dep ,bad kiba ha iing jong kine ki arngut ki la dep ai ka jingthoh ba kine kim dei kiba die hynrei kidei tang ki ba dih bad na ka liang jong kiba ha iing ki la phah ruh sha ka NHRC ban phah wad ia ka jingshisha.(SP News)
