Shillong, Jymmang 27: U Bah PT Sawkmie MDC ka Mawlai Konstitwensi ula pyntip ba kan ka “Academic Excellent Award 2014,” kaba la pynkhreh na ka liang jongu ia kito ki khynnah kiba wan ha ka “Top-20” ha ka SSLC (MBOSE, CBSE, ICSE, ISC) bad ka Top-10 ha ka klas XII HSSLC (MBOSE,CBSE, ISC) (Arts, Science, Commerce).
Kito kiba apply kin dei kiba napoh ka Mawlai konstitwensi bad kin sngewbha ban apply sha u da kaba thoh ia ki jingdonkam baroh ryngkat ka zerox copy marksheet bad mobile number. Ka tarik ba khadduh ban pynpoi ia ki jingdonkam kan long ha lane shwa ka 3 tarik u bnai Jylliew ha iing jongu ha Mawlai Nongpdeng, Shillong.
U Bah Sawkmie ula shim ia kane ka rai kum shi bynta ban ai mynsiem ia ki samla pule kiba la trei shitom ban pas bha bad ha kajuh ka por ban ai mynsiem ia kiwei pat ki samla pule ba kin pule bha nangne shakhmat lada kiwei ki ioh ‘top-10’ balei nga ngam ioh, pynthikna ba la shym snem mapgi ruh phi dei ban ioh ia ka ward na nga.(SP News)
