Tura, Risaw 18: U myntri rangbah ka jylla u Dr Mukul Sangma u la ong mynta ka sngi kaba ka sorkar kan nym pyntrei kam ia ka ain jong ka spah snem kaba 19th, ba kan synsahr ha kane ka spah snem kaba 21st kaba mynta.
U myntri rangbah u la ong ba ka sorkar ka la pynkylla ia ka ain Meghalaya Maintenance of Public Order (MMPO) ha kane ka jingiashong dorbar kaba dang shu dep bad nangne sha khmat kano kano ka kam leh don bor kin shah kem bad ki shah set lai snem ha phatok.
Ia kane u myntri rangbah u la kren ha ka jingialang ha Ampati ha kaba sam ia ki Tablet PC sha ki samla pule jong katei ka thain. Haba ia dei bad ki jinglut bad jingduh na ka daw jong ka jingiakhih ka sorkar ka la mudui sha iing bishar ha ka 15 tarik mynta u bnai ha kaba ki seng bhalang ki hap ban siew ia ka jinglut.
U myntri rangbah u la iai ban da kaba ong bay n nym pyndem ha ki seng bhalang kiba daw ia ILP. U myntri rangbah u la ong ba imat lada ym pyndem ki kynnoh ba u la long udkhi bad lada pyndem ha ki kin ong ba u dei u ba bha. Lada ka long kumne hato kata ka dei ka banhikai ia ki khynnah na ka bynta ka lawei.
Kumba ka paw mynta ka long ba kine ki nongiakhih ban dawa ia la ILP kin dang iai bteng ia ka jingiakhih ka jing , hynrei na ka liang jong ka sorkar kan nym pyndem bad kan nym pyntrei kam ia ka ILP, yn nym ai lad ba ka ain jong ka spah snem kaba 19th kan ialam ia kane ka spah snem kaba 21st. (SP News)
