Shillong Naiwieng 07: ka federal Council jong ka Ri War Mihngi ha ka jingialang kaba la long ha Dawki ki la pynpaw ba ki pyrshah ia ka Tenancy Bill jong ka sorkar na ka bynta ban ia khun pyrshah ia ka jingwan tuid ki breiw kiba na bar.
Ha kane ka jingialang na ka liang jontg ka Council ka kwah ban pynshai sha ki paidbah ba ha Meghalaya ki paidbah ki long ki trai halor ka khyndew ka syiap kumta ym don kita ki nongbat khyndew kiba la tip kum ki landlord.
Na ka liang jong ka Council ka ka kyntu ia ka sorkar ba kan khot ia kren ia ki seng bhalang kiba dawa ILP, namar tang ka jingiakren kaba lah ban ia pynbeit ia ki jingeh, kane ka jingiapynibor markylliang kam poi sha ei shaei ruh hynrei kan wan rah tang ki jingeh.
Na ka liang jong ka Council ka dawa ba ka sorkar ka dei ban pyntrei kam noh ia ka ILP na ka bynta ban iada na ka jingwantuid jong ki briew kiba na bar sha kane ka jylla. Ha ka juh ka por ka council ka pynrem jur ia ka jingkren lap lah jong u MLA ka mylliem halor ki rangbah shnong.
Nalor ki nongialam jong ka FCRWM kiba la ia poi sha kane ka jingialang la don lang ruh ki nongialam ka seng KJWA bad na ka liang jong ka MPHRC la ong iathuh u Bah Peter Rynjah chairman jong ka council.(SP News)
