Shillong, Naiwieng 08: Ka president jong ka seng Civil Society Women’s Organization(CSWO) ka kong Agnes Kharshiing mynta ka sngi ka la shah kem ha ki pulit halor ka jingkynnoh ba kala khanglad ia ka jingtrei jong ka Meghalaya Urban Development Authority (MUDA) ha ka shnong Umsawli village.
Ia kane ka nongialam seng bhalang la rah sha ing bishar mynta ka sngi bad ka iing bishar ka la ai ia ka rai ban don ha poh ka judicial custody 14 sngi ban tohkit. Ka jingkem ia ka ka long halor ka jingkynnoh jong u nongniah ka JCB u Bah Paulmicky Kharwanniang.
Ia kane ka jingujor la ai da u Bah Banri Lyngdoh Executive Engineer jong ka MUDA ba ka kong Agens kala leit sha katei ka jaka ban beh ia ki nongtrei kiba dang trei hapoh jong New Shillong Township.(SP News)
