Shillong, Naiwieng 10: U myntri rangbah ba mynta u Dr Mukul Sangma ha ka sorkar MUA-I, s
huwa ka election sha ka iing dorbar thawain ka jylla u la pynbna paidbah ba ka sorkar kan sa pyntrei kam ia ka skhim “Inter State Border Area development scheme”.
Bun na ki paidbah kiba shong ba sah ha khappud bad ka jylla Assam kila pdiang ia kane ka jingkren jong u myntri rangbah ha u snem 2012 namar ba baroh ki shnong kiba ia khap bad ka Assam ki dang sah dien ha baroh ki liang ha ka roi ka par. Kila ia kynduh hsibun ki jigneh bad kane ka pynlong ia ki ban don ar tylli ki vote tang ban ioh jing myntoi.
Ki ba bun ba lang mynta ki jylli lano kane ka sorkar MUA-II kan pyntrei kam noh ia kane ka skhim namar dei u juh u myntri rangbah ha ka sorkar MUA-I bad ha kane ka sorkar MUA-II ruh ki paidbah ki kwah ban iohi ba ka sorkar kan sdang pyntreikam noh ia kane ka skhim.
Ka jingpyrshang na ka sorkar Meghalaya ban don ia kane ka skhim na ka bynta ki shong kiba ha kahppud bad ka jylla Assam la sdang ban pynwandur da u myntri rangbah ba rim ka jylla u Bah EK Mawlong bam kwai ha dwar u blei, hynrei namar ka khyllem noh ka sorkar ym shym la ioh ban pyntrei kam ia ka.
Hynrei ki sorkar kiba wan ha dien jong ka sorkar u bah EK Mawlong kim shym la bud dien ia kane. Ha katei ka por ka sorkar ka la shim ia ka rai ba baroh ki district kiba ia khap bad ka jylla Assam kin ioh sdang shuwa ia ka kam mar shi klur tyngka, ia kane ka pisa ym buh bad ki Deputy Commissioner ba kin pyntrei ia ki skhi. Kane ka jingleh ka sorkar la buh noh sha kyndong.(SP News)
