Shillong, Risaw 08: Ki briew jong ka Meghalaya’s State Disaster Response Force (SDRF) haduh mynta ka sngi ki dang iaid beteng ia ka jingtrei jong ki ban iarap ha ki bynta jong a Dalu ka jaka kaba la shah ktah jur eh ha kane ka jinglynshop jong ka mariang ha West Garo Hills District.
Mynta ka sngi ki kynhun jong ka SDRF kila ia shim bynta ha kaba pom ia ki dieng ban pynkhuid kiba la khang lynti ia ki surok na ka daw jong ka jingkyhyllem ka jong ki ha ki ding eleltrik khamtam ha Koinabhoi, Dalu kiba dang ialeh shna ia ki.
Ki briew jong ka SRDF kila ia don bynta ruh ha kaba sam ia ki jingbam ha Jijikapara kaba hap ha ka Dalu C&RD Block, kane ka kynhun jong ki SDRF kila don ha Dalu naduh ka sngi thodieng bala don kane ka jingshah lynshop ha ka mariang na ka daw jong ka jingslap jur.
Ha kine ki sngi ki briew jong ka SDRF kila trei shitom ban iarap ia ki briew kiba la ngap ha kane ka jingshah lynshop jong ka mariang bad kila don bynta ha kaba ia iarap ban sam ia ki jingbam sha kito ki shnong kiba la shah ker ha ka um.
