Shillong, Kyllalyngkot 06: U Chief Electoral office ka tnad elekshon ka jylla Meghalaya u Dr.BDR Tiwari IAS, mynta ka sngi u la pynlait paidbah ia ka jingdon ki nongthep vote ha ka jylla Meghalaya ia kaba la pynmih mynta ka sngi baroh ki don 2269512 ngut.
Ka jingdon ki nongthep vote ha Meghalaya ki bun ki shynrang, ki nongthep vote ki shynrang ki don 1118907 ngut ki kynthei ki don 1150599 bad ki bah kong ki 6 ngut. Ka jingsam ia ki EPIC sha baroh ki nongshong shnong ka long 100%.
Ka jingdon ki jaka thep vote ha ka jylla ha kane ka general eleshon MP sha Lok Sabha 2024 ki don 3512 tylli bad mynta la pynbun shuh sha ka 3551 tylli bad la pynmih 39 tylli ki jaka thep vote kiba thymmai.
Ka ophis jong u CEO katkum ka phome-6 kala ioh pdiang 48121 ngut kiba kwah ban ioh rung kyrteng ha ka Electoral Roll, hynrei ka pddiang tang 46109 ngut, katkum ka phom-7 la ioh pdiang ia ka jingujor ban weng kyrteng ki long 18577 ngut hynrei la pdiang tang 17096 ngut.
Kiba la weng namar ba kila khlad ki long 8936 ngut, kiba la shah weng namar ba kila kylla jaka sah ki long 7775 ngut,kiba la weng namar ki don ar tylli ki dur thep vote 385 ngut kiba la ioh pdiang na ka phom-8 ban pynbeit kyrteng la ioh 32500 ngut bad la pdiang ban pynbeit 31372 ngut.
Ka jingdon jong ki nongthep vote katkum ki District ki long, West Jaintia Hills 212766 ngut, Ri Bhoi 198057 ngut, Easty Khasi Hills 616737 ngut, West Khasi Hills 132073 ngut, East Jaintia Hills 100284 ngut, South West Khasi Hills 77636 ngut bad Eastern West Khasi Hills 89481 ngut.
Ha East Garo Hill 109259 ngut, West Garo Hills 383895 ngut, South Garo Hills 104843 ngut, North Garo Hills 139934 ngut bad South West Garo Hill 104547 ngut, ki nongthep vote 18 haduh 19 snem ki don 72,941 ngut, kiba la palat 85 snem ki don 10,398 ngut.
