Jowai, Dec 09: Ki khadlai tylli ki sengbhalang kiba ieng haka nongrim ban dawa nakasorkar ban pyntreikam iaka ILP hapoh ka jylla Meghalaya katkum ka Eastern Bengal frontier regulation 1873 mynta ka sngi ha ka jingia mir jingmut lang kaba kyrkieh ki la shim iaka rai ban pyn jynsur iaka pakhang shnong hapoh ka rilum jaintia halor ka nongrim ba la mih shibun ki jingkyrpad na ka liang ki paidbah kum ki Balang Niam, Club, ki Dorbar shnong, ki bad kiwei kiwei.
Kumta mynta ka sngi la shim iaka rai ban pynjynsur iaka band ha Rilum jaintia (East & West Jaintia Hills District) kata tang 12 kynta kata ka mut tang mynta ka sngi 10/12/2013 kaban sdang naduh ka por 5.00Am haduh 5.00 Pm janmiet. Lait nangta kiwei pat ki prokram iakhih kiba la dep ban pynbna (Picketing Ophis) kin ym don satia ha Rilum lumjaintia.
Ka daw ba ngi shim ia kane ka rai ka long ba ha dien ba ngi la pyrkhat sani bha namar ngim kwah ban pyndik eh ia u paidbah kamtam ha kum kine kipor ba don ki prokram ki jong ki ki bymlah shuh ban pynkynriah tarik namar la buh ryntih naduh shisnem mynshwa, bad ha ka juh ka por ngi kwah ruh iaka jingkyrshan kaba pura jongki paidbah ha kane ka jingiakhun ban dawa pyntreikam beit iaka ILP hapoh ka jylla ong u President ka JSU shri. Rikut. N Parien.
Kumta la kyrpad iaki paibah ba kim dei ban sngewthuh bakla ia kane ka rai kaba la shim kyrkieh namar ka jingbymlah shuh ban kiar ha kaba kum ki nongialam sengbha lang ngi dei ban ia burom kylliang bad iatrei lang khnang ba ka jingialeh ka jong ngi kan long kaba jop, ong u bah P.L Majaw president JYF. Naka bynta lashai kata 10/12/2013 la btah ia kito ki briew kiba leit sha ki jingiathoh Shongkurim ki dei ban the daki balloon, bad ha ka juh ka por la maham ruh ia kiwei ba kin ym bit ban pyndonkam bakla bad lada jia ei ei kaba sngewsih ia kito kiba shim kabu lane kiba pyndonkam bakla ki sengbha lang kim don jingkit khlieh satia.(SP News)
