Shillong, Naitung 09: Ki nongtrei bank kum ka UCO bank, Rural bank, Canara bank, Union bank, Meghalaya Co-operative Apex Bank ka bad Bank of India, Federal bank ki la mih ban iakhih ha khmat ka Meghalaya Co-operative Apex Bank Main Branch Shillong ban ialum bad pynlong jingïakhih halor ki mat jingdawa jong ki.
U bah Edward Lynshing General Secretary Meghalaya Co-operative Apex Bank Employee Union u la ong ba ka jingdawa jong ki ka long ba dei ban weng noh ia ki 4 tylli ki aiñ treikam kiba la pynkylla, ban pynsangeh ia ki jingshah thombor ha ka hok jong ki seng trei kam.
Ki jingkylla ha ka rukom treikam ha ka tnad Bank ba iatreilang, ban pyndam noh ia ki kyndon ba thymmai ba la shna ha ka Banking Regulation Act, 1949 ba la pynkylla ha u snem 2020.
Kiba ktah jur ia ka jinglong tynrai jong ki Co-op Bank, Ka jingiarap ban pynthymmai ia ka kam pisa sha baroh ki Co – operative Bank, Ban pyniasoh ia ka Pension sha baroh ki Nongtrei Bank, ban pynduh noh ia ka Sec 80(P) bad 194 N jong ka ain khajna kamai kajih bad Ka jingpynjari ia ki kyndon treikam bank sha ki Co-operative bank.
