Shillong , Kyllalyngkot,13: Ka shnong Mawiong Diengpasoh Road, kaba hap hashnat Raid Mawpdang ka la ai por shiphew sngi ia u Syiem ka Khyrim baun ai ia ka jubab halor ka jingpyrshah jongki ia ka jingdie ia ka jakajong ka raid sha ki riew shimet kaba don ha katei ka shnong.
“lada ngim ioh ia ka jubab na u Syiem hapoh shiphew sngi, ngin leitda ka shnong baroh ban shah thngan ha ophis u Syiem Khyrim”, labyrngem u Rangbah shnong ka Mawiong Diengpasoh Road Bah RichardKharumnuid haba kren hynne ka sngi Nyngkong sha ki lad pathai khubor.
Ka shnong Mawiong Diengpasoh Road bad ka Mawkhanu kaba hap ha ka Raid Nongkrem ki la shim ia kane ka lynti da kaba kynnoh ba ka shnat RaidMawpdang ka la die duh ia ka jaka paidbah sha ki riew shimet ha kateika shnong kaba dei ruh ka lyngkha rep jong ki paidbah khlem kano kanoka jingmynjur bad ka jingtip jong ki paidbah.
U Bah Kharumnuid u la ong, “ka shnat Raid Mawpdang ka la die ia kajaka ha Mawiong bad Sohlaper ha ka snem 2012 kaba heh kumba 600 spahakar sha ki riew shimet hapdeng ka jingpyrshah jong ki paidbah”.
“Ym tang ba ki die jubor ia katei ka jaka, hynrei ka shnat RaidMawpdang ka la khein ruh ia ki kum ki nongwei shi sngi ha kaba kim lahban tuklar eiei, la kynnoh u Bah Kharumnuid.
U la ong ba ha ka rai kaba long ha ka snem 2008, la rai bay m lahban die ia kajaka jong ka Raid shano shano wat tang shi inshi ruhhynrei kane ka jingleh jong ka shnat Raid ha kaba u Syiem ka Hima ruhu kyntait ban tuklar ka long kaba pynkhein ia ka hok jong ki paidbah.
U Bah Kharumnuid u la iathuh ba ha ka snem 1988-90, u la kynnoh ba usordar ka shnat Raid Mawpdang u la thmu ban die ia ka jaka kaba heh 55 akar sha ki shipai BSF hynrei na ka liang ka shnong ka la iengpyrshah bad kane ka jingthmu ka la pulom hynrei dei ha u snem 2008 bau la die sop sop pat ia ka jaka sha ki heh spah khlem ka jingtip jong
ki paidbah.
U Sordar ha ka 16 tarik Risaw, 2008, u la phla ba u la die ia kateika jaka na ka bynta ban wanrah ia ki skul, ki jingmyntoi jong kipaidbah hynrei mynta, la shu ker kut pynban ia katei ka jaka kaba u riew shimet heh spah u la thied ia ka, bad ki paidbah ki la sah ha ka
lyngngoh”, la kynnoh u Bah Kharumnuid.
“Ko phi ki heh spah heh saipain wat klun ia ka jaka jong ngi kiba dukba suk, pyrkhat lem ia ngi kiba rit baria, ioh ha kawei ka sngi phinioh ia ka bainong”, la kren diaw u Bah Kharumnuid.
U la ong ba ka shnong ka la phai ban pan jingiarap na ki sengbhalanghadien ba ka jingkyrpad bad ka jingiakren bad ka shat Raid Mawpdang bad ka Hima Khyrim kam poi shano shano ruh.(SP News)
