Kolkatta, Rymphang 05: Ka jingialang kaba ar sngi na ka bynta ki nognthoh khubor ka thain shateilamih ngi ka Ri India kaba la khot da ka Manipal Hospital kaba la tip kum ka ‘North East Media Summit” kaba ar sngi kala sdang mynta ka sngi ha KolkattaEM bypass.
Ki nongthoh khubor na ka Thainshatei lam mih ngi kiba la poi ban ia shim bynta ki long, na ka jylla Arunachal Pradesh, Assam, Tripura, Mizoram bad Meghalaya, kane ka sngi sdang la kren da bun ngut ki doktor kane ka hospital ia ki lat jingsumar kiba bun jaid ha kane ka hopsitla.
Kane Manipal Hospital ka dei ka hospital jong ka kompeni jong ki riew shimet bad haduh mynta ki don ki hospital jong ki ha ki 50 tylli ki jaka bapher bapher jong ka Ri India bad tang ha Kolkatta ki don san tylli ki jaka ai jingsumar.
U Dr. Kunal Sarkar, Dr. Sourav Datta, Dr. Vikash Kapoor bad kiwei kiwei haba kren ha kane ka jingialang kila iathuh ba hapoh kane ka Manipal Hospital kila don lut ia ki kot ki bor katkum kane ka juk kaba mynta ban sumar ia ki nongpang kiba shah sumar ha kane ka hospital.
Ha kane ka sngi la ialam ruh sha ki jaka ai jingmar bapher bapher, naduh ka jingsumar ia ka jingpang bam pong, ki nongpang na North East ruh kila wan sha kane ka jaka sumar namar ka jingbiang ka rukom sumar bad ha ka juh ka por ka Kolkatta ka long kaba jan. Ia kane ka jingialang yn pynkut la shai ka sngi.
