Shillong,Rymphang 07: Mynta ka janmiet ka 7tarik u Rymphang 2026 , ka KSU Shella Unit ha ka jingialam u Finance Secretary bad u Publicity Secretary ka la ioh ban bat ia ki nong bylla bar jylla kiba don kumba 11 ngut ki bym biang ki kot ki sla kiba mut ban leit trei sha Lafarge Company.Haba la wad jingtip na ki mano ba wan ialam, ki la shu ong ba don u Engineer napoh Lafarge.Haba ka seng ka la kylli bniah ia ka jaka ba ki wan ki la iathuh ba ki wan na Assam bad ki don tang ka Adhar Card bad ka Epic kumta ka seng ka la beh krad shi syndon ia ki, ba ki dei ban leit phai noh shi syndon sha Ka jaka ba ki wan.
Na ka liang ka seng ka byrngem ruh ia kito ki briew kiba ju mlien ban wan nongialam nongtrei bar jylla lada dei mano mano ruh khlem ki kot ki sla kiba biang, lada ka seng ka lap kan leh da kaba tyngeh.
