Shillong, Lber 05: Ban pynurlong ia ka jingthmu ka sorkar ba ka jylla ka dei ban poi ha ka kyrdan kaba 10 ha ka ioh ka kot ha u snem 2032 u myntri rangbah ka jylla ha ka 4 Lber 2026 u la sam sha ki paidbah ia ka pisa na ka skhim Green Meghalaya, FOCUS+ ha ka jingialang paidbah ha Resubelpara North Garo Hills District.
Ha ka jingkren u myntri rangbah la ong ba ka sorkar MDA kaba la ialam da ka party NPP ka pynskhem ba ka kwah ban wanrah ia ka roi ka par, ban pynbha ia ki jingai jingshakri sha ki paidbah ba ka roi ka par kan long solansar ia baroh.
Ha katei ka jingialang u myntri rangbah la pynbna paidbah ba ka sorkar kan sa pynrung kyrteng thymmai ha ka skhim FOCUS+ bad mynta ka jylla Meghalaya kala kiew sted ha ka ioh ka kot bad ka wan ba ar ha dien ka jylla Tamil Nadu, ka sorkar ka buh ia ka thong ba ka ioh ka kot ka jylla kan poi sha ka 10 billion.
U myntri rangbah u la sam ia ka skhim FOCUS+ kaba T.5000/- tyngka mar wei bad ia kiba pynneh ia ka mariang la sam T.20,000/- tyngka na ka bynta shihektare ha ka shisnem na ka skhim Green Meghalaya, haduh mynta la lah ban pynneh ia ki khlaw 50,000 hektares bad ka sorkar ka dang kwah ban pynheh shuh sa 50,000 hektares ban pynneh ia ka mariang ha ka jylla.
Ha kane katei ka sngi pynlong ia ka jingkynmaw burom ia u Purno Agitok Sangma kaba ki paidbah ka Garo Hills kila pynjop kum MP kumjuh kum MLA naduh u snem 1977, u la ong u nongialam ia ki riewlum ha ka Ri india bad u don ka sur ha Delhi ban kren na ka bynta ki paidbah kane ka Thainshatei Lammihngi ka Ri India, watla um don shuh hynrei ki saindur pyrlkhat ki jong ki dang sah tyngkrein ban ai mynsien ia ki khun samla kiban dang khidangsan.
Ha kane ka sngi la don lang ruh u Myntri ka tand rep, u Timothy D Shira, ki heh sorkar ba ka District, ki riew rangbah ka thain, ki riew paidbah bad ha kane ka sngi la don ruh ki jingshad tynrai bad ki jingrwai na ki khun samla ka North Garo Hills District.
