Shillong, Iaiong 15: Mynta ka sngi 15/Iaiong/2026 ka seng BJP na ka shnat treikam ka BJP Mahila Morcha kala pynlong ia ka jingiaid paidbah ha Nongpoh jong ka Ri Bhoi District bad ka khubor kaba ki kwah ban phah na kane ka jingiaid paidbah ka long ban pynsngewthuh ia ka hok ki kynthei ban wanrah ia ka jingkylla.
Ka jingmang bhah kyrpang 33% ha ki elekshon sha ka Parliament, sha ki iing dorbar thawain ka jylla bad sha ki iing dorbar jong ki District Council, kane ka long ban pynshlur ia ki kynthei ban wanrah ia ka jingkylla.
Ka jingiashim bynta jong ki kynthei kan wanrah ia shibun ki jingkylla khamtam ki jingeh kiba ia kynduh da kiba dang samla, kum ha ka pule puthi, ka ioh kam ioh jam bad ki lad ki lynti ban kiew bad kane ka long ka jingpynkup bor ia ki kynthei.
Ka kong Arena Hynniewta ka State President, BJP Mahila Morcha ka ai khublei kaba kyrpang ia kane ka sorkar kaba mynta kaba la ai bor ia ki kynthei namar ki kynthei kim dei shuh ban long tang kum kiba shu sah hajuh hynrei mynta la ai ka lad ba kin iada ia ka hok bad ban shakri ia ka ri, kala ong.
