Shillong, Iaiong 16: u myntri rangbah ka jylla u Conrad K. Sangma mynta ka sngi 16/Iaiong /2026 u la khot ia ka jingialang ka tnad sam bam ba ia kren kumno ban pynkylla bad ban pynbha ia ka rukom sam ia ki jingbam ka ban iawan dur bad ka ‘Mission 1000 Days’.
Ha kane ka jingialang la ia kren ba ka don ka jingthmu ban ai ia ki jingbam tei met ia ki longkmie kiba la seng khun na ka bynta ban ai ka jingkyrshan ia ki ba kin ioh ia ki jingbam kiba tei met bad kane ka long ba I khyllung ba dang pun in ioh ia ka jingkhlain bor naduh ka por ba dang pun.
Ha kane ka jingialang kila ia kren ia ki jait jingbam ki ban ai ia ka bor ban tei met bad ban peit ba lah ban ioh ruh ia kine ki jingbam na kane ka jylla bad ka jingsam ia ki lyngba ki dukan sam khaw ration kane ka long ban pyntikna ba ym dei tangba ki ioh ia u khaw hynrei kin ioh ruh ia kiwei ki jingbam ban tei met bad ban ioh ruh ia ka met kaba koit ba khlain.
U myntri rangbah u la pynsngew ba kane ka jingsdang thymmai kan dang pynskhem shuh shuh ia ka jingkut jingmut jong ka sorkar ban dang pynbha ia ka jingsam ia ki mar bam mar dih da kaba buh ha khmat khamtam eh ia ki longkmie kiba la seng khun bad ia ki khynnah ha baroh kawei ka jylla.
