Shillong, Jymmang 05: U bah Khroo L Pariat ba dei u nongai buid jong ka All Jaintia Muster Roll Union u la ong ba kum ka seng ka pdiang ia ka jingpynbna sorkar kaba la pynmih na ka tnad ba peit ia ki nongbylla bad na ka tnad pla pisa kumba la pynbna da u myntri rangbah ka jylla u Conrad K. Sangma bala pynkiew ia ka bai bylla.
Kum ka seng ka ai khublei ia u myntri rangbah ka jylla ba u la ai ia kaei kaba kila pynsngew ha kaba u la jubab da ka kam bad na ka liang jong ki Muster Roll ha baroh kawei ka jylla ki pdiang ia kane bad kum juh ka Joint Action Committee ruh kum juh.
La pynkynmaw ba u myntri rangbah ka jylla ha ka 1/Jymmang/2026 ha kaba rakhe ia ka sngi jong ki nongbylla u myntri rangbah u la kren shai ba ka sorkar ka kwah ban pynbeit ia kane bad ka jingshngain ka bynta ki khun ki kti jong ki ruh.
Kaei kaba ki muster roll ki donkam ka long ba nalor ba ka sorkar kala pynmih ia ka jingpynbna, kaei kaba sah ka long ba ki donkam ban ioh ia ka jingsiew khamtam ia ka arear ka ban trei kam naduh ka 1/Iaiong/2026 kumta la kyrpad ia u myntri rangbah ka jylla ban pynlait noh ia ka pisa kaba dei ka arear hapoh mynta u bnai Jymmang.
