Shillong, Jymmang 08: Mynta ka sngi ka Synod College kala pynlong ia ka jingiaid paidbah ia ki samla pule na phylla ka college sawdong ka Mawkhar bad Jaiaw pdeng bad poi biang sha Kolej.
Ka jingiaid paidbah da ki samla pule ka long ban pynsngewthuh sha ki paidbah ia ka jingsniew na ka jingdih duma bad bam duma, ha kane ka jingiaid paidbah kila ia pyrshah ong em ia ka jingpyndon kam ia u duma.
Ha ki jingthoh kaba kila rah la ong ba ka kam khaii duma ka dei ka kam ban pyniap, la thoh pynduh noh ia ka jingpyndon kam ia u duma shuwa ban pynkut ia ka jingim jong phi bad ka tdem kaba ring ka long kum ba khot ia ka jingiap.
Ha ki pla karad la thoh ba ka jingsdang ban dih duma ka dei ka jingsdang ban khot ia ka jingiap, la kyntu ba wat juh pyrshang ban dih duma, kila ia pyrta ban pynsngewthuh sha ki paidbah ba dei ban ong em ia ka jingpyndon kam ia u duma.
