Shillong, Jymmang 12: Mynta ka sngi ka 12/Jymmang/2026 ka seng FKJGP seng kmie kala leit ban ia kynduh ia u Chief Executive Member jong ka KHADC u bah Winston Tony Lyngdoh ban ia kren halor ka jingai ia ki Trading License ia ki Security Agency namar ka jingbuh dor ha ki tnad sorkar ka long kaba heh.
U General Secretary ka FKJGP u bah Regional Thabah haba kren ha ki lat pathai khubor ha kane ka jingiakren na ka liang jong u CEM u la ong ba bun na ki Security Agency na ki trai jylla kim juh thep tender kiba wan na ka sorkar pdeng namar man ba ki peit ia ki tender lyngba ka GEM la shem ba kim shym la lah ban ia shim bynta.
Na ka liang jong ka seng ki leit ban pynsngew sha ki Security Agency kiba don ha kane ka nongbah Shillong kiba la seng hi da ki trai jylla ba kin sngewbha ba kin ia shim bynta ha jingiathep tender kiba wan lyngba ka sorkar pdeng khnang ba kin lah ban tehlakam ia ka jingwan ki security agency na sha bar ka jylla.
Haba ki buh ia ka dor ruh ki dei ban long mar ia ryngkat bad ki briew kiba na bar khang ba ki security kiba na bar kin nym lah ban ioh ia ki traiding licence ba kin nymlah ban ia shim bynta ha kane ka jylla lada pyrshang ban khanglad ruh ym lah namar ki trai jylla kim shym la ia shim bynta ban thep tender.
