Shillong, Jymmang 12: U nongpynwan dur ia ki jain ba pawnam ka jylla Meghalaya, u Daniel Syiem u la ioh ia ka khusnam “Iconic Trailblazer in Regional Couture” ha ka jingsam ia ka khusnam ha ka Oriflame Presents WhosNext2026 Influencer Awards – East & Northeast Edition, kaba la pynlong ha Kolkata.
Ia kane ka tamasa kaba la pyniaid da ka rynsan thoh kot khubor, ka Whosthat360 bad la wanrah da ka kompany Oriflame India, la don ka jing rakhe bakhraw da ki nongthaw ba pawnam, ki nongdro bad ki nongpyn kylla dur bapher bapher na kylleng ka thain mihngi bad ka thain shatei lam mihngi ka ri India, lem bad ka Meghalaya Tourism kum ka Associate Partner.
Ia u Daniel Syiem, uba la tip kum uwei na ki nongpyn dur ia ki jain ba pawnam lyngba ki khana, u la long ruh uwei na ka sur ba khlain tam ban mih paw na kane ka jylla Meghalaya, ha kaba u la pyn ithuh ia ka kolshor jong ka jylla Meghalaya ha ki rynsan bapher bapher kum shabar ka Meghalaya bad shabar ka Ri India.
Lyngba ka jingtrei jong u, u la pyni ia ka jing itynnad jong ka riti ka dustur jong kane ka thain mihngi ba hap ha India, ki jain bad ka jingtrei kti katba u lah pyn kup bor ia ki nongshna kti lane ki nongshna ia ki jain da ki kti kane ka jylla Meghalaya bad pyn neh pyn sah ia ka bahiar pateng da ka jingiathuhkhana.
Ha ka jingioh pdiang ia katei ka khusnam halor rynsan, u Daniel Syiem uba la dap da ka jing kmen u la pyn kynmaw halor ka jingiaid lynti jong u bad ka jing thmu kaba u la sdang nyngkong na kane ka jylla Meghalaya.
Ka long ka burom ban iohpdiang ia ka khusnam Iconic Trailblazer ha ka Regional Couture Award. U ai khublei naduh ka mynsiem sha ka kynhun ha ka Whosthat360 na ka bynta kane ka jingithuh.
Ka jingiaid lynti jong u kala sdang naduh ba u dang khynnah na ka jylla sha thain mihngi, da kaba don ka jingthrang bakhraw ban sam ki khana jong ki briew jong u lyngba ka jingpyni riam pyni beit.
U la ong ba u ieng hangne mynta ka sngi, nga sngew kumba ioh jing kyrkhu ban ioh pyn urlong ia ki jingphohsniew jong u. Kane kam nym lah ban long khlem ka jingai ei bad jinglam lynti jong u Blei.
U ai khublei na ka bynta kiba kyrshan ianga na ka por sha ka por, ki bahaiing ha sem jong u, ki paralok bad ka kynhun jong u, kiba long kum u shyieng bud lum kane ka jingjop ka dei ka jong phi baroh u la ong.
Haba iakren shaphang kane, ia ka jingithuh ia u Daniel Syiem ha ka East bad Northeast Awards ka long ka jingpyn kynmaw na ka bynta ka jylla Meghalaya, kaba la rakhe ym tang ba ka ioh ia ka nam ha ka jingpyn riam pyni beit, hynrei ka jingiar jong ka bor halor jong ka jing kren shaphang ka kolshor jong kane ka thain lam mihngi ka ri India halor ki rynsan bakhraw.
