Ampati, Jymmang 12: Ia ka jingialang jong ka District Level Committee for implementation of the Chief Minister’s Rural Infrastructure Scheme (CMRIS), la pynlong mynta ka sngi ha DRDA Conference Room, DC Office Building, Ampati, hapoh ka jinglong chairman jong u Subir M. Marak, u MLA jong ka 52-Rangsakona (ST) Legislative Assembly Constituency.
La khot ia katei ka jingialang da ka Office jong u Project Director, District Rural Development Agency (DRDA), South West Garo Hills. Ha kane ka jingialang, la don ki heh ki hain na ki tnad bapher bapher, ha kaba ki lah pyn long khnang ia kane ka jingialang khnang ba kin khmih halor ki mat ba iadei bad ka jing treikam bad peit bniah ia ki projek ka roi ka par hapoh ka skhim ha kane ka distrik.
Napdeng kine kiba don ha kane ka jingialang, dei u Block Development Officers of Betasing, Zikzak, Rerapara and Purakhasia C&RD Blocks, ki Executive Engineers jong ka PWD (Roads), PHE bad DRDA, u District Agriculture Officer, u Divisional School Education Officer bad u General Manager ka DCIC, South West Garo Hills.
Ha ka por ba don katei ka jingialang, ki la iakren halor ka jing ithuh bad pyn long nyngkong ban shna ia ki projek ka roi ka par ha ki jaka nongkyndong ha kaba ka jingthmu ka long ban pynbha ia ka jingiasoh, ki jing donkam ki paidbah, ka jingtei ha ka pule ka puthi bad ka lad ban ioh kamai ha kylleng kane ka distrik.
Ka jingban jur hangne ka long ban ka jingpyn treikam ha ka por, ka jingia treilang ki tnad bapher bapher bad ka jingpyn treikam kaba treikam hapoh ka skhim.
U Deputy Commissioner jong ka South West Garo Hills bad kiwei ki heh ki la ban jur ia ka jingdon kam jong ka jingpyn thikna jong ka jingshai, ka jing kit khlieh ha ka ban peit ia ka jinglong ba bha ha ka jingpyn treikam ia kane lyngba ka skhim CMRIS.
Katei ka jingialang ka la pyn kut da ka jingialam lynti sha ki tnad ba dei bad ban pyn thikna ia ka jingtreikam jong ki projek ba la buh na ka bynta ka jingioh jing myntoi ia ka imlang ka sahlang jong kane ka distrik.
