Shillong, Jymmang 13: Kumba 7 ngut ki dkhot ka dorbar na ka jylla Meghalaya ki la iashim bynta ha ka State Legislators Leadership Programme kaba la pynlong naduh 10–12 tarik, Jymmang, 2026 ha Azim Premji University, Bengaluru, kaba la iasnoh kti lang ban pyniaid da ka Azim Premji University bad PRS Legislative Research.
Ia kane ka prokram pynkup bor Nongialam, la pynlong na ka bynta ban pyn skhem ia ka jinglah jong ki bor ki nongmihkhmat ka jylla ba kin pynleit jingmut ban iakren halor ka jingsynshar khadar, ka nongrim ki paidbah, nongialam khmat bad ka jingmih jong ka jingiakhun ha ka roi ka par.
Katba ki dkhot dorbar kiba iashim bynta ha katei ka prokram ki dei u noongkren ba don burom, u Limison D. Sangma, MLA, Raksamgre, u bah Mayralborn Syiem, MLA, Nongpoh, u Dr. Celestine Lyngdoh, MLA, Umsning, u bah Ronnie V. Lyngdoh, MLA, Mylliem, u bah Gabriel Wahlang, MLA, Nongstoin, u bah Ollan Sing Suin, MLA, Mawsynram bad u bah Matthew Beyondstar Kurbah, MLA, Mawphlang.
Kane ka prokram kaba don ia ka jingialang halor ka jinglam khmat da ki briew ba tbit, ka thmu ha ka ban pynbiang ia ka bor thaw ain kaba sei soh bad ka jingsngewthuh ia ka nongrim.
Kaba kongsan ha kane ka jingiakren ka kynthup ia ka lad ba kumno ban long u nongthaw ain uba tbit, da kaba pynleit jingmut halor ka jingshim khia ban thaw ain bad ki tiar kiba donkam na ka bynta ki nongthaw ain; ka mat halor ka pule ka dangle, ka jingpeit bniah ia ka pule puthi ha ka jaka ka Ri India; ka jingkoit jingkhiah na ka bynta baroh.
Ka jingkren halor ka koit ka khiah jong ki paidbah bad ka jingshim khia ia ka polisi bad ka jingsngewthuh ia ka ioh ka kot jong ki paidbah, da kaba khmih halor ka bynta ba kongsan jong ki nongthaw ain ha ka jingshim bniah ia ka pisa bad ka jingpeitngor ia ka ioh ka kot.
Ki nongiashim bynta ki la don ryngkat ha ki jingiakren halor ki mat ka jingmih bad kiwei kiwei, kynthup ia ka jingiar ka jingktah jong ka Artificial Intelligence ne AI ha kylleng ki jaka kum ha ka koit ka khiah, ka ioh ka kot bad ki kam jong ki nongshong shnong, kumjuh ruh ki jingiakhun ha ka jingioh kam ioh jam ki samla.
Ka jingtbit bad ka jingkylla na ka pule puthi sha ka kam kamai kajih. La don ka jingiakren halor ka jingpyntip khubor lyngba ka lad digital kaba la pynlong ia ki paidbah ba kin lah ban pynmih ia ki khubor lyngba ka teknologi ha kum kane ka juk digital ba mynta.
Ka jingshim bynta jong ki nongthaw ain ka jylla Meghalaya ha kane ka prokram ka la lah ban kut jingmut ban pyn skhem ia ka jinglah ban thaw ain, jingpyntip ha ka ban thaw ia ka polisi bad ka jingsynshar khadar ba sei soh.
Ka jingmih ha ka jingai jingmut mar kylliang bad ka jingpeit bniah ki briew ba tbit kaba la mih na kane ka prokram bad ka jingia-ai jingtip hapdeng ki paralok pule bad kaba la khmih lynti ha ka ban kyrshan iaki nongthaw ain ha kaban iakren halor ki mat ba nyngkong jong ka konstituensi bad ka jingnoh synniang sha ka jingthmu jong ka roi ka par ha ka jylla.
