Shillong, Jymmang 13: Ka long ka burom ia ka jylla Meghalaya ba ka samla Nandini Ishvi O. Sangma kala shah jied ban leit mih khmat ia ka Ri India sha ka Commonwealth Youth Parliament kaba khatlai sha ka ri Australia, kane ka jingialang ka ban long 6 sngi lynter na duh ka 26 haduh 31 Naitung 2026 kan long ha Sydney.
Ka Nandini kan leit ban mihkhmat ia ka Ri India bad san ngut kiwei pat kiba kiba la shah kyrpang bad ka rta jong ki ka dei ban long ha pdeng 18 haduh 29 snem na ki ri kiba don ha ka Commonwealth ban shah hikai ban long kum ki nongialam.
Ka Nandini ka dei ka samla kaba pule ha ka Political Science ha Don Bosco College, Tura ka jingshah jied ka jong ka dei halor ka jingtbit jong ka ban kren bad ha kane ka jingialang kaba la dep ban pynlong ha ka 2 bad 3 tarik Lber 2026 ha Tura.
Kane ka Commonwealth Youth Parliament la sain dur ha kata ka rukom ban ai jinghikai ia ki samal ban long ki nongialam bad ka pynleit jingmut ha kata ka rukom ba kumno la pyniaid ia ki iing dorbar ha ka synshar paidbah.
