Shillong, Jymmang 2: U IAS ophisar bad doktor na Shillong, u Dr. Joram Beda, u la thoh kawei ka kot ba thymmai kaba la hikai ban tip shaphang ka jingkylli ba donkam ha ka subjek science bad philosophy, kaba dei ka jingpaw ba shisha bad bynta jong ka jingtip ia ka jingshisha.
Ia katei ka kot “Titled Nature of Information: Shaping Reality, Life, and Consciousness”, la pyllait da u nongthoh kot ba pawnam na England u Routledge, hapoh ka Taylor & Francis Group.
Katei ka kot ka batai shaphang ka jingtip halor ki subjek physics, biology, neuroscience, artificial intelligence, philosophy bad ka jingpule ha ka jingtip briew tip blei.
Kane ka kot ka la iathuh shaphang ba kane ka jingtip kan nym batai shaphang ka jingshisha, hynrei kan long kum ka jingtip halor kaba kongsan, kata ka jingtip ia ka jingshisha hi da lade ialade.
Da kaba pule ia kane ka kot, ka dei shaphang ka bynta halor ka jingtip shaphang ka jingim, ka jingmut jingpyrkhat, ka jingtip briew tip blei, ka jingtip ia ki rukom pyniaid, artificial intelligence(ai) bad ka jingiohi jngai jong ka jingshisha. Ka iathuh shaphang ka jingiakynduh jong ka science, philosophy, ka jingithuh bad ka teknologi.
Kane ka jingpyllait ia kane ka kot ka la sdang ithuh sha kylleng ka pyrthei lyngba ki lad rynsan digital. Dang shen, ka la wan ba nyngkong ha ka thup jong ka “Hot New Releases” jong ka Amazon India ha ka bynta jong ka Metaphysics bad ka la mih paw napdeng ki kyrteng ha ka kyrdan ba shiphew ha ka bynta jong ka Amazon India’s Metaphysics.
Halor ka Rakuten Kobo, kaba dei ka eBook jong ka pyrthei bad ka rynsan jong ka kot sngap, katei ka kot ka la ithuh ha ka bynta jong ka Metaphysic. Dang shen, ka la kot sha ki kyrdan ba lai ha Peru, kyrdan ba 8 ha Colombia, 11 ha Cyprus bad Estonia, 13 ha Argentina, 15 ha Chile, 17 ha Czech Republic, 36 ha Denmark bad 41 ha Philippines, ha kaba ka la don ruh ha kylleng ki dukan die kot shabar ka Ri India.
Ia kane ka kot, la pyllait ruh sha ki dukan die ia ki kot skul ha America, kynthup ha Miami University, SUNY Oneonta, William Woods University, The Master’s University, Elmhurst University and Ursinus College. Lah ban ioh lyngba ka kompany Routledge, Amazon, Google Books, VitalSource bad kiwei kiwei ki rynsan die ia ki kot bad ki rynsan pule ba sam ia ki kot.
U Dr. Joram Beda u dei u IAS ophisar ba la pyndep iaka jingpule ha u snem 2008 bad uba la ioh pdiang ia ka khusnam jong ka jingpule shaphang ki dawai dashin n aka kolej JIPMER dang shen kum u Commissioner Secretary ka tnad ka koit ka khiah.
