Shillong, Jymmang 21: U Deputy Commissioner jong ka East Jaintia Hills District u Manish Kumar IAS, namar ka jingwan tur jong ka Jaintia Student Union, ka Jaintia National Council bad ki paidbah nongshong shnong ka Daistong sha ophis u Deputy Commissioner kala wanrah ia ka jingshong syier kumta la pynjari ia ka kyndon 163 jong ka BNSS 2023.
Katkum kane ka kyndon la mana pyrshah ba ym bit ban ialum briew ha phyllaw ka ophis jong u Deputy Commissioner palat ia ka san ngut lada don mano mano ba pynkhein ia kane ka kyndon yn pynshitom ia ki hapoh ka kyndon 223 jong ka BNSS 2023 bad kiwei kiwei ki kyndon jong ka ain.
Na ka liang ka District Administration kala shim ia kane ka rai ka daw ka long ba hapdeng ka jingiakhih kila wan rung hapoh ophis bad kane kala wanrah ia ka jingwit kaba khraw bad ka jingsyier bad ka lah ban mih na ka jingklumar bad ka jingpynjot ia ki jingdon jingem jong ka ophis kumta ban teh lakam ia kane la pynjari ia ka kyndon 163 BNSS.
