Shillong, Jymmang 21: Mynta ka sngi 21/Jymmang/2026 ki briew kiba la kam ba ki dei na shnong Daistong kila leit tur sha ophis jong u Deputy Commissioner ka East Jaintia Hills District ban pynpaw ia ka jingkyrshan ia ka M/s Shree Cement kaba dei ban don ha Daistong.
Ki bor ba dei peit ia ka District Administration ka East Jaintia Hills District kila khang ia ki khyrdop ban rung ha phyllaw jong ka ophis u Deputy Commissioner hynrei ki nongkyrshan ka Shree Cement kila pied ia ki jingker nar bad rung jubor ha phyllaw ka ophis jong u DC.
Haba iohi ia kane ka jingleh na ka liang jong ki pulit kim banse ban bom da ki lathi ia ki briew kiba la rung jubor ha phyllaw bad la iohi ba napdeng kine ki riew paidbah kila kawang da ki maw ia ki pulit kiba don ha phyllaw ka ophis halor kane ka jingleh ki pulit ki la bom la tied ia ki ban beh krad na katei ka jaka.
Hadien katto katne por kila lah ban pynpait ia ka khyrdop bad ki paidbah kiba kyrshan ia ka Shree Cement kila ioh ban rung ha phyllaw ryngkat bad ka jingpyrta ba ki dawa ia ka hok, ha kane ka jingshah bom lathi ha ki pulit kila don ruh ki riew paidbah kiba la mynsaw.
