Shillong, Jymmang 21: Ka North Eastern Council (NEC) ka la bteng ban pyniar ia ka jingiatreilang ha ka roi ka par ha ka jylla Meghalaya lyngba ka jingpynlut pisa kaba paka ha ka pule puthi, ki jingtei ha sor, ka jingseng kam seng jam, ka lad kamai jong ki nongshong shnong, ka jingiatreilang bad ki jingtei ia ki jaka ialehkai ha ka Finance Commission 15, da kaba pyn thikna ba kan don ka jingkular ha ka jingkiew shaphrang ha kane ka jylla.
Ka jylla ka la iohpdiang ia ka bai lut bai sep haduh T. 555.63 klur hapoh ki skhim jong ka NEC (SoNEC) bad NESIDS Roads programmes ha kane ka Finance Commission 15.
Katba ka bai lut bai sep jong ka Finance Commission 15 ha Meghalaya hapoh ki skhim jong ka NEC . ka Meghalaya ka lah ioh ban khein ne iathuh ia ka jingkiew kaba khraw ha ka liang ka roi ka par ha kane ka Financial Commission ba 15, ha kaba ka la kot ka bai lut bai sep haduh T. 160.87 klur, lem bad ki jingiarap ha kaban pynroi ia ki jingtei ha kane ka imlang ka sahlang.
Ki jingtei kum ki iing skul, ki iew, jingkieng, ka jingpynbiang ia ki jaka jngoh kai pyrthei, ka jingkyrshan ha ka koit ka khiah bad ka jingsdang ha kaban pynroi ia ka jingseng kam seng jam.
La ban jur halor ka kam rep riang bad ki bynta ba iatreilang lyngba ka jingpyniaid iew ia ka ngap, ka jingrep ia ki tit, ka jingpyn treikam ia u shynrai Lakadong, ka jingpyn roi ia ki kam ri mrad, ka rep ka riang khlem dawai bad kiwei kiwei ki lad jong ka rep ka riang.
Ki skhim kiba la pynlut tyngka da ka NEC ki la kyrshan ruh ban pynneh bad kyntiew ia ka dustur ka riti ka Meghalaya da kaba tei ia ki jaka pyni dustur, ka iing dorbar bad ka jingtei ia ki jaka jngoh kai pyrthei, katba ka imlang ka sahlang kaba kyntiew ia ka mariang bad ka lad ioh kam ioh jam ki nongshong shnong ha kylleng kane ka jylla.
Ha ka jingbynrap, ki lad jingiarap jong ka SoNEC ki pyn shkem ha kaban pynroi bad pynjanai ia ki sap ki phong, ka jingseng kam seng jam na ka bynta ki kynthei, ka jingtei ia ki iew, ka jingpynkhuid bad pynbeit ïa ki jaboh bad ka jingpynbiang ia ki jaka pule puthi, khamtam ha ki nongkyndong, jaka jong ki riewlum bad ki shnong kiba sahdien.
Haba kren kyllum, ka jingpynlut pynsep ka NEC ha ka Finance Commission 15 ka la leh ia ka bynta kaba kongsan ha kaban pyniar ia ka roi ka par ha ka jylla Meghalaya, khamtam ha ki jaka ba jngai, shnong ba long lum bad ki thain kiba dang duna ka jingiarap bad jingsumar.
Katba ka bai lut bai sep na ka bynta u Iaiong, 2026 ha Meghalaya (FY: 2026-27), ka long ka jingkular ha kaban pynkhlain ia ka jingpynskhem ha ka jingkut jingmut ban kyntiew ia ka imlang sahlang bad ka pateng samla.
ka NEC ka la bteng ban pyllait ban bei tyngka ha u Iaiong, 2026 na ka bynta ki prokjek pynroi iing shna bad pyrkhat ban kyntiew ïa ka kam ialehkai ha Meghalaya, kynthup ia ka jingshna ia ka lympung ialehkai ha Madan Tukhon, Jongsha bad ka lympung barit ba hap shabar ka lympung heh ha Gambegre, ha ka distrik jong ka thain shatei lam sepngi jong ka Ri Lum Garo.
Kine ki skhim ki long ka jingthmu ban pynneh ia ki jingtei jong ki kam ialehkai, ka jingpynshlur ban pyni ïa ka rukom im kaba bha bad kaba koit kaba khiah bad ban pynkupbor bad pynsan ïa ka sap ka phong ha ki jingïalehkai ki khun samla ka jylla.
Ka jingbei tyngka kaba la pyllait hapoh ka NESIDS (Roads) ha u Iaiong, 2026 ha Meghalaya, ha kaba ka NEC ka la pyllait ruh ia ka jingbei tyngka ha u Iaiong, 2026 na ka bynta ka projek ba bteng, kum ka jingshna ia ka jingkieng ba kongsan kynthup ia ki lynti ban kiew na ka Wah Umngot hapoh ka jylla Meghalaya ban pynurlong bha ia ka.
