Shillong, Jylliew 07: Ka jingtuid ki nongjngohkai pyrthei ha Lum Shyllong ka long da ki hajar ngut ha ka shisngi bad kane kala pynlong ia ki nongrep katei ka thian ban buh ia ki dukan jhur kaba ki pynmih na ki jaka rep ha katei ka jaka.
Ki nongwan jngohkai pyrthei haba ki poi sha kane ka jaka ki juh leit phai thylli hynrei ki thied ia ki jhur kiba dang wanrah na ki jaka rep, kum u phan, Muli, kubi bad kiwei kiwei ki jaidjhur ba bun jaid.
Ka jingtuid ki nongleit kai sha kane ka jaka kaba dei ha kliar jong u Lum Shyllong kala dang kiew katba dang mih ki sngi namar ka jingbeh ka lyer bad na kane ka jaka ki lah ban leit sha Laitkor Peak ban peit ia ka sor Shillong kaba iohi kyndiang na katei ka jaka.
Kane ka tuid ki nongwan jngohkai pyrthei sha kane ka jaka ka long pynlong ia ki trai shnong ha katei ka jaka ba kin buh ia ki dukan jhur kiba la rep ha katei ka thain jong u Lum Shyllong bad ki dukan die jhur kila don da ki bun tylli ha Lum Shyllong.
