Shillong, Jylliew 06: Ka Hynñiewtrep Achik National Movement (HANM) West Jaiñtia Hills District ha ka sngi Thohdieng ka 5 tarik Jylliew 2026 ka la rakhe ïa ka sngi pynneh pynsah mariang ïa kaba la tip ka World Environment Day da kaba leit thung dieng ryngkat ki khynnah skul bad ki nonghikai jong ka Lum Jingshai LP bad UP School Moodymmai ha phyllaw jong katei ka skul.
Shuwa ban thung ïa ki tynrai dieng, la ïoh ban pynlong ïa ka prokram ha phyllaw jong ka skul ha kaba la ïadonlang u Bah Lamphrang Kharbani President ka HANM Seng Kmie kum u Kongsan, Bah S.S Langi Adviser jong ka Synjuk Waheh shnong Ri Jaiñtia Symbud Kongsan.
U Bah Thomas Sutlong President HANM West Jaiñtia Hills District, Bah Kyrchan Miki Passah Environment Secretary, Bah Bawandonbok Nongsiej, Ïlamshwa Pariat Secretary, ki nonghikai bad ki khynnah skul.
Nalor ki Kongsan la ïoh ruh ki jingkren na u Bah Bawandonbok Nongsiej kiba la sneng la kyntu ïa ki khynnah skul ba kin ieit ïa ka mei mariang, ban ym pynjaboh ïa ka skul, ki lynti ki syngkien bad ïa ki shnong ki thaw.
