Guwahati, Jylliew 23: Ka Digital India BHASHINI Division (DIBD), kaba hap hapoh ka Digital India Corporation (DIC), Ministry of Electronics and Information Technology (MeitY) bad ka Assam Innovation bad Startup Foundation (AISF), ka kyndon ba 8 jong ka kompeni ba hap hapoh ka Department of Innovation, Incubation and Start-ups (DIIS).
Ka sorkar Assam, kila iasoi da ka Memorandum of Understanding (MoU) na ka bynta ka jingiatreilang ha kaban pyniar iaka ktien lyngba ka teknologi da kaba pyntreikam da ka AI bad pyniaid iaki ktien kiba bun ha kaba pynskhem ruh iaka buit thymmai bad jing kynthup iaka digital ha kylleng ka jylla Assam.
Kane ka jingiatreilang ka long ban pynia soh iaki jaka kiba iadei bad ki teknologi jong ka ktien, ki ktien kiba bun jong ka digital, artificial intelligence(AI), ka buit thymmai, ka jinghikai ban seng kam lajong bad kiwei kiwei.
Lyngba kane ka jingiatreilang, baroh ar kane ka kynhun kan thaw thymmai da ki lad digital ban pyntreikam bad kiwei kiwei ki buit thymmai jong ka teknologi da kaba pyn donkam da ki ktien jong ka Ri India.
Hapoh ka MoU, ka ong ba ka DIBD bad ka AISF, kin iatreilang hapoh ka BHASHINI Rajyam na ka bynta ban pynsuk iaka jinglah ban ioh iaki ktien bapher bapher sha ki prokram jong ka AISF, ki kam kiba sdang, rynsan digital bad ka jingpyntreikam lyngba ki teknologi jong ka BHASHINI.
Kane ka jingiatreilang kan thmu halor ka jingpynkiew kyrdan iaki jingshakri pynkylla ktien ha ka ktien Assamese bad kiwei pat ki ktien ri lum lane shnong, ka jingpynroi iaki aplikeshon ba pyndonkam bad ki jingpynbeit ba pyndonkam da ka sur bad kiwei kiwei ki lad thymmai lyngba ka Bhashadaan kaba mut ka jingai sngewbha ha ka ktien.
Katba ka DIBD kan ai iaka jing pynkylla iaki ktien da ka AI ha kylleng ki rynsan treikam jong ka sorkar, kan iarap ban pyn kylla bad ban sngewthuh iaka ktien lajong, lyngba ka mashin bad ka jingkyrshan da ka teknologi, jinghikai, bad kan iarap iaka BHASHINI API ban pynkylla na ka ktien skhor sha ka thoh dak.
Katba ka AISF kan iarap ha kaban pyn ithuh iaka jingdonkam ka ktien lajong, pynwan nyngkong ban pyntreikam pynkylla iaki ktien, ka jingiashim ha kaban kyrshan iaka mariang bad pynshlur ban iatreilang napdeng ka kynhun, jaka pule, skul bad kiwei kiwei.
U Amitabh Nag, uba dei u CEO jong ka Digital India BHASHINI Division u la ong ba ha ka BHASHINI, ki don ka jingiohi jngai ban pyn tikna ba ka ktien kam dei satia ka jingwit ban iashim bynta ha ka lynti pynkylla digital ka Ri India.
Lyngba kane ka jingiasnohkti bad ka Assam Innovation bad Startup Foundation, u la ong ba u kwah ban jur iaki kynhun shna kam thymmai, ki nongpynlong thymmai bad ki nongseng kam ban tei iaki lad jingiarap AI kiba don ka jingmut na ki bun jait ki ktien, kiba lah ban pynduna iaki jingdonkam jong ka thain bad pynlong iaka dor kaba shisha.
Da kaba pynshlur iaka jingpynioh jingmut thymmai, pyniar iaka jingiadon bynta, bad pynkhlain iaki kot thoh shaphang ki ktien lyngba ka jingai jingmut bad jingpdiang kaba na ka por sha ka por, ki lah baroh lang ban pynkiew iaka teknoloji ktien katba ki dang tei iaka lawei digital kaba kdup lang bad kaba iasoh bha.
