Shillong, Jylliew 22: Ka jingialang jong ka District Planning bad Development Council (DPDC) ba dei jong ka South West Garo Hills District la pynlong mynta ka sngi ha Ampati ha ka jingpyniaid jong u Ian Botham K. Sangma, MLA kum u shongknor, ha kaba la don lang u Subir M. Marak MLA dkhot ka kommittee bad ki khlieh na ki tnad sorkar bapher bapher.
Ha kane ka jingialang la ia kren ia ka jingpyntrei kam ia ki skhim hapoh ka District ha kane ka snem mang tyngka 2026-2027, ka jingiakren ka long kiei ki skhim kiba la dep pyntrei, kiba dang sah bad kiei ki jingeh kaba ki ia kynduh bad kumno ban leh pyndep ia ki jingtrei ha kapor kaba biang, bad ioh don ki jaka kiba hap ban peit bniah.
Ha kane ka jingialang la ia kren ruh kumno ban pyn khreh ia ka mang tyngka Jong u snem 2027-2028 na ka bynta ka South West Garo Hills District, ki ei ki skhim kiba ha khmat eh ban tyrwa ha ka snem mang tyngka kiba la wan rah ha kane ka jingialang bad ha kane ka jingiakren kila ia thir bah kumno ban kyntiew ia ka ioh ka kot ki paidbah.
Ha kane ka jingialang kila ia kren ia shibun ki shnat trei kam ka sorkar, ka pule puthi, ka koit ka khiah, ka rep ka riang, kam pynroi sha ki nongkyndong, ki jingtei, ka umbam umdih ban kyntiew ia ka ioh ka kot bad ki kam naka bynta ka imlang sah lang, la ia kren ba kumno ban ia sam ryntih ia ka jingioh bad bad ban pyntrei kam bha ia ki skhim sorkar ban myntoi ia ki paidbah ha ka District.
Haba kren ha kane ka jingalang u shongknor ka DPDC u Ian Botham K. Sangma u la ong ba kaei kaba ki leh ka dei ban pynmyntoi ia ki paidbah da kaba pyntrei kam bha ia ki skhim, ha ka juh ka por u la ong ba ki jait skhim kiba kumno ban buh ha khmat eh ban kyntiew ia ka ioh ka kot ki paidbah.
Ia ka jingialang la pynkut da kaba ai jingmut kumno ban pynbiang ha kaba pynkhreh ia ka mang tyngka na ka bynta ka district ha u snem 2027-2028 namar ki kwah ban ioh ba ka jingkiew ha ka district kan long ha baroh ki liang da kaba pyntrei kam bha ia ki skhim jong ka sorkar.
