New Delhi, 22 Jylliew: Ka Meghalaya Early Childhood Development (ECD) Mission kala iohpdiang iska khusnam jong ka Gold SKOCH ha ka thup jong ka jingheh jingsan ki khynlung bad ki khynnah rit (Early Childhood Development) ha ka jingialang SKOCH kaba 108 jong ka shlem pyniaid ain sorkar ha ka riti.
Ki ain bad ki nongrim treikam na ka bynta ka Viksit Bharat, kaba la long ha PHD Chamber jong ka Commerce and Industry, New Delhi. Ka khusnam ka pyni iaka jingpynshlur iaka Meghalaya kaba la lah ban thaw iaki lad ki lynti kiba bun liang na ka bynta ka jingroi ka kynhun ki khunlung rit (ECD), kaba pynlong iaka jylla kaba pawnam bha ha ka ri ha ki kam kyntiew imlang sahlang bad ka rukom synshar.
Ka jingmut jong kane ka Meghalaya ECD ka long ban pynkylla bad kaba pynioh jingmyntoi ha ka liang ka koit ka khiah, ka bam ka dih, ka jinghikai ha ka por ba dang rit, ka jingstad pyrkhat bad bor kti kjat bad ka longbriew manbriew bad ka jinglong kmen.
Ka Mission ka pyni ka lad treilang bad ka jingiatylli kaba kyrpang na ka bynta ka roi ka par jong ki khunlung bad ki khynnah rit, lyngba ka synshar lang bad ka thew ban kyntiew iaki.
Ha ka jingialam ka tnad Social Welfare, kane ka Mission kala pyniasoh iaka tnad ka koit ka khiah, tnad pynroi nongkyndong (C&RD), tnad Pule Puthi bad kiwei ki kynhun nongiarap, ki balang, ki shnong ki thaw, bad ki nongtrei ba ha khmat, khnang ban pynbit pynbiang iaka jingim jong ki khynnah ha kine ki snem kiba kongsan tam.
Ka kynhun SKOCH kala ithuh iaka jingtrei shitom jong ka jylla Meghalaya ha ka nongrim ban kyntiew iaki khyllung bad ka synshar khadar ha ka imlang ka sahlang.
Ki lad thymmai jong ka Mission kiba kynthup iaka jingiasnoh jong ka imlang sahlang, ka jingpyniasoh iaka (ECD) hapoh ki Self-Help Group, ka jingpynshlur iaka jingpynkyndoh bad ka jingai bor iaka GESI (Gender Equality and Social Inclusion), la pynpaw kum ki nongrim kiba khraw jong kane ka model.
La pynkut ia katei ka prokram jong ka SKOCH Award da ka jingmihkhmat da u riewkhraw na ka Meghalaya Early Childhood Development Mission, u bah Ronald Kynta, ka Chief Operating Officer- Meghalaya ECD Mission, ka kong Nayna Warjri, Programme Manager bad u bah Meaibor Hiam Roy M. Pdah, uba dei u Civil Engineer.
