Shillong, Jylliew 22: Dr. L.Kharmon,MCS Block Development Officer Pynursla C&RD Block Pynursla la bthah ia baroh ki nongshong shnong jong ki shnong bad la kyntu jur ia phi baroh ki paidbah ba kim dei ban iaid lyngba kiba twa khyndew.
La ong ba kim dei ban rung lane ialum paidbah ha ki jaka ba la jia ka jinghap maw bad jingtwa surok namar kine ki jaka ki dang long kaba ma bad ka lah ban wanrah ia ki jingma kaba khraw ia ka jingim bad jingshngain jong ki paidbah.
Ki nongshong shnong ki dei ban, kiar na kitei ki jaka ba don jingma bad bud ryntih ia ki jingbthah jong ki bor synshar. Ym dei ban pynkhein ia ki dak ki jingmaham, ki jingiada lane ki jaka ba la khang paidbah.
Peitngor ba ki khynnah,ki tymmen bad ki jingri kim dei ban leit tur sha kitei ki jaka ba la buh jingmaham. Pyntip mar mar sha ki bor ba dei peit lada lap kino kino ki dak jong ka jingkhih khyndew, jinghap maw ne kiwei pat ki jingma.
Ban kiar ban iaid lyngba na ka surok Laitlyngkot-Lyngkyrdem bad ban iaid lyngba ka surok Pynursla-Dawki-Amlarem lane ka surok Pynursla-Nongjri- Sohra road na ka bynta ka jingshngain.
Ia kane ka jingpynbna la pynmih na ka bynta ka jingshngain jong ki paidbah baroh. Ka jingitreilang ka jong phi ka long kaba donkam ban lait na kino kino ki jingjia ba sngewsih bad ban iada ia ka jingim jong baroh. Da ka hukum jong ka bor ba dei peit.
