Shillong, Naitung 05: Ka jingshna ia ka surok Shillong Western Bypass kaba sdang na Sumer kaba hap ha Ri Bhoi District ka ban kan mih ha Baniun ha Hynniew mer Upper Shillong kaba don 38.25.km kala dang iaid sha khmat bad ki jingtrei kiba hap ha ki bynta ka Ri Bhoi la bun ba dep lait noh ki jingkieng kiba la jan dep.
Ha lad Sumer kaba sdang ka surok Shillong Western Bypass mynta ka jingshna ia ka jingkieng ban iaid ki kali na jrong kaba la tip kum ka Flyover ka dang iaid sha khmat bad ia ka surok ha ki bynta jong ka Ri Bhoi la dep ban shna kaba sah ban sa pynbha ia ki nala.
Haba kren ha ki lat pathai khubor ki rangbah kiba sah ha Sumer kila iathuh ba ka jingwan kane ka surok kala pynsuk ia ki nongshnong shnong ha ka leit ka wan wat la ym pat pyndep ia ka surok, namar kim shym poi pyrkhat ba kin ioh kum kane ka surok kaba la pynsuk ia ka leit ka wan.
La ong ba da ka jingdon kane ka surok kala pynsuk bad ha ka juh ka por ka jingkylla kala ruh wan, kila sngew kumba kila sah ha jaka ba kham sor, ha ka juh ka por kum ka shnong ka hap ban peit bha ruh namar kim kwah ban iohi ba ki kali kin wan ieng miet ieng iong ha jan shnong haka kaba kum ka shnong hap ban peit bha.
Ki khmih lynti ba ynda la pyndep ka jingshna ia kane ka surok kaban mih sha Mawmaram Shilliang um kan long ka jingmyntoi namar ki sa mih ki dukan haba ynda la iaid bun ki kali ki dukan ruh kin sa mih bun bad kane kan wan rah ia ka jingkiew ha ka ioh ka kot.
