Shillong, Naitung 06: Ka Result jong kane ka Half ko Yearly Examination mynta u snem 2026 ka lah ban hiar bha bad bun na ki khynnah skul bapli(innocent students) ki lah ban liem bad kylla lyndang ei (failed) ha ki subject bapher bapher khamtam ia ka subject Maths bad Social Science.
Ka jingmut dur jong ki Kmie ki kpa(parents) ne ki nongpeit nong sumar jong ki khynnah(guardians) ka lah ban kylla khongpong ei kha-ma-kha hadien ba ki la ioh ia ka Result Half Yearly Examination jongki.
Ki don bun bah ki daw balei ki khynnah kim lah satia ban leh bha mynta ka sien(half yearly exam.) 2026.Ki Kmie ki kpa ne ki nongpeit nongsumar(guardians) jong khynnah ki lah ban kynnoh(blamed) ia ka skul ne wat ia ki Nonghikai jongki ruh, hynrei kam dei satia kumta.
Ki daw bah tynrai( root causes) jong ka jingliem lyndang(failed) jongki ka dei beit na ka jingleh kulmar ka sorkar(Edn.Dept.) kaba la pynkylla tdong-tdong, khlieh- khlieh ia ka Exam ki khynnah khlem da pyrkhat ba kan ktah shi katdei eh(badly effected) ia ka jingpule jong ki khynnah bapli khamtam kito ki khynnah kiba shu pdeng(average students) bad ki khynnah kiba kham duna shuh shuh(below average students).Ia ki khynnah kiba stad te(above average students), phi pynkylla kyrkieh ruh,kam da ktah than ia ki.
Ki Kmie ki kpa bad ki paidbah baroh ki dei ban tip shai kdar ba mynta u snem 2026 naduh ka Half Yearly Exam.ka Routine bad ki jingkylli jong baroh ki subject la ai bad set hi da ka sorkar lyngba ka Edn.Dept.
Ka sorkar ka phah hikai bun bah ki lynnong(chapters) haduh ba la shu thngian jubor justi ia ki khynnah tang ban pyndep ia ki lynnong ba bun namar ki ong ban set jingkylli lut ia kita ki lynnong kiba ki la bthah.
Don ki subject ba ka DERT(Edn.Dept) kam ai jied(no choice) ia ki khynnah bapli.Don ruh ki jingkylli kiba artatien ki khynnah ban jubab bad kumta ter.Kaba shu kohnguh katba bthah ka sorkar kalong pynban ka jingma bad jingktah ia ka pule puthi ki khynnah.
Ka Routine ruh ki pynkylla katba mon shu kynsan kynsan katba ki sngewbit..Ka Social Science kaba dei ha ka sngi 23-06-2026 ki shu rah kyrkieh tang shi miet ar miet sha ka 30-06-2026 nalor ba ka 29-06-2036 ka la dei lypa ka subject Maths,ka subject kaba ki khynnah ki kham shem jingeh.
Kumno ka subject Maths bad Social Science kin shu pynlong ter ter baroh ar sngi syndon khlem pyrkhat ban ai off day ia ki khynnah bapli.Katba naduh 22nd haduh 26th June 2026 pat(baroh shi taiew lynter) ki pynlong tang shi subject baroh shi taiew lynter, kata,tang shi sngi ha ka sngi 25-06-2026,lait nangta ym don exam baroh shi taiew.
Ha Ki sngi ai Result bun ki khynnah kin sngewsih,bun ruh kin iam paid dohnud.Hato! Kata ka jingiam paid dohnud ki khynnah kam ktah seh ia ki Kmie ki kpa kiban wan synran lang ban wan shim lang ia ka result bad ki khun lajong.
Ki Kmie ki kpa jongngi hangne ha Ri Khasi-Jaintia kidei kiba shu hun bad kohnguh bad ngeit sneng(deciplined parents, gaurdian).Katba sha ri thor(ri dkhar) pat,bakla tiak, ki students bad parents kim ai lad satia ba ka sorkar kan shu pynlong langknia(scapegoats) ia la ki khun bad ka lawei ka thoh ka pule jongki.
Ym nai pyni ia ka Parent Teachers Meeting(PTM) kaba la ai hukum ba kan long ha ka 15-07-206 ha baroh ki skul ha Meghalaya.Yn nai ia kren ruh ia ka hukum phah pynlong skul noh ka sorkar ia ki skul baroh ha ka 06-07-2026 bad kata ka hukum ki la pynmih ha ka miet 01-07-2026(6pm ei ei),shi sngi hadien ba la dep ka Half Yearly Exam(30-06-2036) katkum ka Routine sorkar.
Kane hukum pynlong skul ka mih hadien ba khynnah ki la ia poi ing ne poi shnong lut baroh.Sha nongkyndong,ym don network,teng teng ym don light ruh, kumno ban shu hukum pynlong skul khlem pyrkhat hadien ba la dep khang ia ka skul bad la dep ai shuti shiteng snem ruh ia ki khynnah.
Dei kane kein ka jingleh lamwir ka sorkar la kumba leh u Mahamud Toglak hyndai kaban pyntroin bad pynjlep ia ka lawei jong ka thoh ka pule( future Education) jong ki khynnah hadien ha bud.
