Jowai, Naitung 09: Ka jingehniam kaba shisien shisnem jong ka Niamtre Raid Jowai ka long kaba shongkun mynta ka sngi ha kaba la wan ban sakhi lang da u myntri rangbah ka jylla Assam u Himanta Biswa Sarma ha ka jingiadon lang ki MLA ka jylla Assam bad ki MDC na ka KAADC.
Ka jingwan jong u myntri rangbah ka jylla Assam kum u kongsan ha kane ka jinglehniam myntu u snem 2026 ka long halor ka jingkhot snewbha ka Sein Raid Jowai bad kane ka dei ka sien kaba nyngkong kum u myntri rangbah ka jylla Assam u wan ban sakhi lang ia kane ka sngi kut ka lehniam Behdeinkhlam.
Ha kane ka sngi ka jylla Meghalaya la mih khmat da u Symbut myntri rangbah ka jylla u bah Sniawbhalang Dhar, u bah Wailadmiki Shylla, bah Sanbor Shulai myntri sorkar, bah Kyrmen Shylla MLA bad ki MDC ka JHADC.
Ha kane ka sngi da ki phew phew hajar ngut ki paidbah na kylleng ka jylla Meghalaya khamtam na ki lum khasi kila ia poi sha kane ka jingrakhe ia ka lehniam Behdeinkhlam kaba juh long man u snem ha dien bala dep ban thung ban tep kba kaba la pynlong da ka Raid Jowai.
Ia kum kane ka sngi ka sorkar Meghalaya kala pynbna shuti ha baroh kawei ka jylla bad kane ka long ban ailad ki paidbah ba kin leit ban ia shim bynta ha kane ka jinglehniam kaba la pynneh pynsah ia ka riti dustur jong ka jaidbynriew Pnar.
