Shillong, Naitung 13: Ki nonghikai SSA kila lyngngoh ngian haba ki ioh ia ka tulop kaba shiteng dor na ka bynta lai bnai, na ka bynta u bnai Jymmang, Jylliew bad mynta u bnai Naitung 2026.
Katkum ka jingkhein kaba ka tnad pule kala buh jingkhien ka long ba ka tuop kaba ki nonghikai kin ioh katkum ka tulop kaba thymmai ka long na ka bynta kito kiba dang sdang hikai haduh san snem kin ioh T.21000/- tyngka, kiba 5 haduh 11 snem kin ioh T.22000/- tyngka. Kiba 11 snem haduh 19 snem ki ioh T.23000/- kiba 19 haduh 28 snem ki ioh T.24000/- bad kiba 28 snem shaneng ki ioh T.25000/- tyngka.
Kaba pynlyngoh ia ki nonghikai SSA ka long bynta na ka bynta jong u bnai Jymmang, Jylliew bad Naitung 2026 ka tulop kaba ki ioh ka long shiteng, kiba dang sdang hikai haduh san snem ki ioh T.10500/- tyngka, kiba 5 haduh 11 snem kin ioh T.11500/- tyngka. Kiba 11 snem haduh 19 snem ki ioh T.12500/- kiba 19 haduh 28 snem ki ioh T.13500/- bad kiba 28 snem shaneng ki ioh T.14500/- tyngka.
Haba ia dei bad kane ka jingioh duna tulop ki nonghikai SSA katkum ka tulop kaba thymmai kaba la pyntreikam da ka sorkar Meghalaya ka ioh jingtip ba kane ka jingsiew ka dei na ka bhah jong ka sorkar jylla namar ka sorkar pdeng kam pat phah ia ka bhah ka jong ka, kaei kaba ka sorkar jylla ka siew dei tang ka bhah jong ka sorkar jylla.
Haba ia dei bad kane ka tnad pule puthi kala phah da ka jingkhien sha ki nonghikai SSA ba ki sngewthuh ia kaei kaba ka sorkar jylla ka sniew bad mar ia ioh ia ka bhah na ka sorpdeng kin sniew ia baroh kaba ki dei hok ban ioh.
