Shillong, Naitung 12: Ka jingsam ia ki phom Special Intensive Revision sha ki nong thep vote ka jylla Meghalaya haduh ka 11/7/2026 ki long 1717917 tylli na ka jingdon baroh ki nongthep vote ha ka jylla 2349645 ngut.
Ka jingsam ia ki phom SIR ha ka jylla baroh kawei ka long 73.11%, ki District kiba la sam bun eh dei ka West Jaitnia Hills 93.72 % ka jingdon ki nongthep vote ki long 220478 ngut haduh mynta la sam ia ki phome 206,626 tylli. Ka South West Garo Hills 91.89% la sam ia ki phom 100049 tylli na ka jingdon ki nongthep vote baroh 108883 ngut.
Ki District kiba duna eh ha kaba sam ia ki phom SIR ka dei ka East Jaintia Hills 60.07% kata 62,720 tylli na ka jingdon ki nongthep vote 104417 ngut, ha East Kahsi Hills District ka jingsam ka long 63.63%, ka jingdon ki nongthep vote ki long 632146 ngut ki phom kiba la sam ki long 402,220 tylli.
Ki phom kiba dang sah haduh mynta ki ban dang sam ha kine ki sngi ki long 6,17,278 tylli kaba mut kiba dang hap ban sam ka long 26.89%. Ka jingdon ki BLO ha ka jylla baroh kawei ki don 3551 ngut bad uwei u wei BLO ki peit hapdeng 600 bad 800 ngut ki nongthep vote.
