Shillong, Naitung 12: Ka Reserved Bank jong ka Ri India kala pynbna ha ka 10/7/2026 ba kan pyndie ia ki Securities jong ki khyndai tylli ki sorkar jylla ka Ri India ban pynmih pisa T.24800 klur tyngka.
Katkum ka kyrwoh jong ka RBI ka kdew ba ka jylla Meghalaya ruh ka dei kawei na ki jylla kiba ka RBI kan pyndie ia ka Securities bad ka bah jong ka jylla Meghalaya ka long ban pynih pisa T.300 klur tyngka.
Haba ia dei bad ka jylla Meghalaya kala paw shai ba ka por bala buh ban siew ia ka pisa kan long 12 snem bad ia ka sur yn sniew man ka riew bnai, iaka sut ym buh da ka RBI, ka jingdie ia ki Securities kan long ha ka 14/Naitung/2026.
Ka Reserved Bank jong ka Ri India kan tyrwa ia ka jingdie ia ki Securitas jong ki sorkar jylla lyngba ka E-kuber , ka dor jong ka wei ka share kam dei ban duna ia ka T.10,000.00 tyngka, ka jingpynbna ia ki kyrteng jong kiba thied kan long ha ka juh ka sngi bad kiba shah jied kin thep ia ka pisa ha ka 15/7/2026.
Kune kane ka pisa kaba ki sorkar jylla ki ioh da kaba die sha ki paidbah ia ka Securities jong ki ka long ban pyndon kam ha kaba pynlut ia ka pisa na ka bynta ki kam pynroi hapoh ka jylla.
