Shillong, Naitung 17: Ka jingrep ia u Muli saw rong kaba bun eh dei sha ki thain Shiliangum kaba kynthup bun tylli ki shnong kiba don ha katei ka thain, ki nongrep baroh kila pynpaw ia ka jingsngewsih kaba khraw ba ka jinghiar dor une u jhur ha kine ki ar bnai ka long sha ba palat ym tang ba hiar dor don ki khep kaba ki hap ban bret sha lum byn don nongthied.
U bah Bosling Warjri u wei na ki nongrep haba kren ha ki lat pathai khubor la ong ba kim tip shuh na kaei ka daw jong ka jinghiar dor u Muli Saw, u kajar bad kiwei kiwei ki jhur kaba kim lah shuh ban pynmih tang ia ka ram kaba kila shim na ki bank na ka ram rep.
La iathuh ba ka dor mynta ka long tang ha pdeng ar tyngka haduh san tyngka ha ka shikilo, don ki sngi ba ki hap ban shu bret namar la pan tad dor palat kaba kim sngewsih myntoi shuh ban die.
Ka kong Pikon Mawlong kala iathuh ba kane ka hiar dor jong u jhur kala buh ia ki ha ka jingeh namar kim lah shuh ban pynmih ia ka bai trei, kala buh ia ki nongrep ka thain ha ka jingeh, ka kyntu ia ka sorkar ba kan peit leh ia kane ka jingeh hato ka dei ka jingsniew ka iew ne na kaei ka daw.
U bah Anjilbert Pathaw u la ong ba kinongrep ki daw sngewsih kthang shisha ia kane ka jinghioar dor palat ki jhur ki jhep kaba ki rep kam dei tang u Muli saw, u Kubi, kajar bad kiwei kiwei ki jhur, kim lah ban shuh ban sngewthuh, ki kwah ban ka sorkar kan leh ei ei halor kane bad ban plie kalat ba ki nongrep kin ioh die beit sha ki nongthied.
Na ka liang jong ki nongrep kila pynpaw ia ka jingsngewkhai ka jong ki ha kaba ia dei bad ka jingshah ot kilo kaba la kot haduh 100 kilo na ka shijar kilo namar ia u Muli saw ki ia die kilo, ki kwah ban ka sorkar kan shim khia lem na ka bynta ki nongrep.
