Shillong, Naitung 16: U Superintendent ki pulit ka East Khasi Hills District mynta ka sngi u la pyntip ba u Jonathan L Pachau 21 snem ka rta u ba la shah kynnoh ba don kti ha ki kam da kaid kynthei mynta ka sngi u la wan ban pyndem ha khmat ki pulit jong ka Laitumkhrah Police Station, Shillong.
Ka jingujor pyrshah ia u Jonathan ba u la don kti ha ki kam dakaid kynthei la resgiter ha Laitumkhrah police station Case No. 100/2026 u/s 3/4/11/12 POCSO Act ka ejahar Laitumkhrah PS C No. 94/2026 U/s 64(1) BNS.
Na ka liang jong ki pulit ka jylla Meghalaya kila ia treilang bad ki pulit ka jylla Mizoram ban thwet ia une u briew ha kineki sngi, hynrei mynta ka sngi u leit mih hi sha Laitumkhrah police station ban iati ha ki pulit. Ki pulit kila kem ia u bad kin sa rah sha iing bishar katkum ka ain.
