Shillong, Naitung 20: Mynta ka sngi ki riew paidbah ha kane ka nongbah Shillong kila ia mih ban pynlong ia ka jingiakhih kaba jai jai ha Don Bosco squer ban pynpaw ia ka jingpyrshah ha kaba ia dei bad ka jinglait tuh ki jingkylli kiba ia dei bad ka eksam National Eligibility-cum-Entrance Test (NEET-UG) ban ioh leit pule doktor.
Kane ka jingiakhih ka long shibynta ruh ban kyrshan ia ka jingiakhih u Sonam Wangchuk bad ki briew kiba dang bteng ia ka jingiakhih mynta ha nongbah Delhi ha Jantar Mantar kiba dang iaid bteng mynta ban dawa ban pynbha ia ka jingpule ha ka Ri India.
Kawei na ki long kmie kala ong ba ki kwah ban ka sorkar pdeng kan pynbha ia ka jingpule ha ka ri bad kum juh ha kane ka jylla Meghalaya kaba la paw ha ki por kiba la leit kum ka shlem jong ka pule puthi katba mynta pat kala hiar kum ka jylla Bihar.
Kane ka jingiakhih ka long ban dawa ban pynbha ia ka jingpule hynrei ha ka jaka ba kin pynbha ki thawlat ban leh ei ei ia kiba ia khih, ka jingpyrshah ka jong ki ka long ia ka jinglong jingman ka jingpyniaid ia ka jingpule ha ka ri.
Kane ka jinguakhih kaba la pynlong mynta ka sngi ka long ban kyrshah ia ka jingiakhih ha Delhi ban dawa ban pynbha ia ka jingpule ha ka Ri India bad kane ka jingiakhuh ka long ha kylleng ka ri kaba la khot da ki samla pule ban dawa ban pynbah ia ka jingpule.
