Shillong, 21, Naitung: Ka ophis jong ka kong Y. R. Mawlong kaba dei ka Joint Chief Electoral Officer, Meghalaya, la ong ba ka Special Intensive Revision (SIR) 2026 jong ka thup kyrteng nongthep vote ha ka jylla Meghalaya kala kot sha u mawjam ba kongsan kaba la poi haduh 98.17 persen ka jingsam iaki phorm pynrung kyrteng ne ki Enumeration Forms ha kylleng ka jylla, ha kaba kane ka pynpaw iaka jingiashim bynta lang ki paidbah ba don hok ban ioh thep vote bad ki bor ba dei peit jong ka elekshon.
Tad haduh ka 21 tarik, Naitung 2026, la don haduh 23,49,645 ngut ki nongvote bad la dep sam haduh 23,06,585 tylli ki Enumeration Forms. Baroh kyllum, ki Enumeration Forms kiba la lah ban pynrung da ka kor komputar kaba long 62.15 persen na ka jingshim khia kaba khraw ha kaban pynkylla digital iaki jingkhein jingdiah.
Katba ki distrik kiba la dep khein na ka jingdep sam iaki Enumeration Forms ki long ka West Jaintia Hills ka poi 100 persen, South West Khasi Hills – 100 persen, South West Garo Hills – 100 persen, East Garo Hills – 99.93 persen bad ka Ri – Bhoi – 99.80 persen, West Khasi Hills – 79.86 persen, South West Khasi Hills – 78.51 persen, East Jaintia Hills – 75.44 persen, West Garo Hills – 74.03 persen bad South West Garo Hills – 73.81 persen.
La ithuh haduh 53,908 ngut ki nongthep vote, kaba long 2.29 persen na ka jingbun nongthep vote baroh ha ka jylla kiba hap hapoh ka thup ASDD, kiba ym don shuh, kiba la kynriah jaka, kiba la khlad bad kiba don bun tylli ki kyrteng. Ka jingphiah iaki kyrteng ki don 5,795 ngut kiba ym don shuh. 13,379 ngut kiba la kynriah jaka. 32,382 ngut kiba la iap. 2,029 ngut kiba don arshah ki kyrteng. 323 ngut kiba kyntait ban shim iaka Enumeration Form.
Na ka ophis jong u Chief Electoral Officer, Meghalaya la ong ba ki nongvote ki bym pat phah iaki Enumeration Form jong ki ba la dep pyndap kyrteng hapoh ka por ba la buh, kin nym shah kynthup iaki kyrteng jong ki ha ka Draft Electoral Roll kaban sa pynmih ha ka 5 tarik, Nailar, 2026 bad yn sn sa pynmih ha baroh ki jaka thep vote.
Baroh ki Enumeration Forms, dei ban phah sha ki Booth Level Officers (BLO) lane lyngba ka online da kaba download da ka App ECINET lane kin leit sha ka website https://voters.eci.gov.in hashwa ka por ba la buh khnang ban shah kynthup ha ka Draft Electoral Roll.
