Shillong, Naitung 21: Ka seng samla pule Khasi Student Union lyngba ka tnad pule puthi mynta ka sngi ka 21/Naitung /2026 kala leit ban jurip ia ka National Institute Technology Meghalaya kaba don ha Sohra ha kaba la kynnoh ba ka don ka jingleh don bor jong ka ha kaba iadei bad ki khynnah pule kane ka jaka.
Haba kren ha ki lat pathai khubor u samla Alerick Kharjana Education Secretary ka shnat pule ka Central Executive Committee jong ka seng kmie ka Khasi Student Uion la ong ba kane ka college kala phah soi ia kawei ka jingiateh kular kaba long beain.
Katkum ki kyndon kiba la phah soi kaba ka KSU ka kynnoh ba ka long beain namar ha dien ba ki samla pule kila dep ban soi ia ka jingiateh kular kimlah shuh ban ujor lada don kano kano ka jingeh ha ka jaka pule ne ban thaw ia ka kynhun seng ha kaba ia dei bad ki samla pule.
Kawei pat ka long bala phah soi ia ka kot jngkular bad ha ka kyndon kaba saw kala kren ba baroh ki samla pule ki hap ban ioh bei 100 persent ka jingpoi klass ka jong ki, kane ka long kaba ym lah ban pdiang ba ki samla pule kin nym pep klass wat tang shing ruh, kum ki briew ioh don ka jingpang jingshitom ne kino kino ki jingjia kaba ki hap ban pep klass.
Haba ia dei bad kane ka seng ka shem ba kane kala khanglad ia ka jinglaitluid jong ki samla pule bad ka riti synshar hi ka shah ban thaw seng, hynrei ym shah ban sengi a kiwei ki seng ha kane ka jaka pule bad kane ka long beain. Naka liang ka seng kala ai por shitaiew ia kane ka jaka pule ban weng ia kitei ki kyndon.
